ខេត្តកំពង់ធំ ៖ ជនសង្ស័យដែលសម្លាប់សង្សាររបស់ម្តាយខ្លួនឯង កាលពីថ្ងៃទី៣ ខែមករា ត្រូវបានសមត្ថកិច្ចតាម
ប្រមាញ់ និងចាប់ខ្លួនបានហើយ កាលពីវេលាម៉ោង២ និង៣០នាទីរសៀល ថ្ងៃទី១២ ខែមករា ឆ្នាំ២០១៦ ខណៈរត់ទៅ
ពួនសំងំក្នុងព្រៃ ក្នុងភូមិទំអរ ឃុំទំរីង ស្រុកសណ្ដាន់ ខេត្តកំពង់ធំ ។
លោក ឈុំ ឈៀង នាយប៉ុស្តិ៍នគរបាលរដ្ឋបាល ឃុំទំរីង បានឲ្យដឹងថា ជនសង្ស័យឈ្មោះ ស្វាយ ដេន ភេទប្រុស អាយុ
២២ឆ្នាំ មានទីលំនៅភូមិទំអរ ឃុំទំរីង ស្រុកសណ្ដាន់ ខេត្តកំពង់ធំ ត្រូវកម្លាំងនគរបាល ឃុំទំរីង សហការជាមួយកម្លាំង
នគរបាល ស្រុកសណ្ដាប់ ចាប់ខ្លួនពីបទ វ៉ៃសម្លាប់ឈ្មោះ ស្រី អេង ភេទប្រុស អាយុ៥៧ឆ្នាំ ជាសង្សាររបស់ម្តាយជនសង្ស័យ
កាលពីថ្ងៃទី៣ ខែមករា ឆ្នាំ២០១៦ ខណៈជនសង្ស័យ បានរត់ទៅពួនសំងំលាក់ខ្លួននៅក្នុងព្រៃចាប់តាំងពីថ្ងៃ កើតហេតុ ។
លោក ឈុំ ឈៀង បន្តទៀតថា ក្រោយពេលចាប់ខ្លួន ជនសង្ស័យត្រូវបានសមត្ថកិច្ចជំនាញ សាងសុំណុំរឿងបញ្ជូនទៅ
ស្នងការដ្ឋាននគរបាល ខេត្តកំពង់ធំ ដើម្បីចាត់ការបន្តទៅតាមផ្លូវច្បាប់ ៕
EmoticonEmoticon