សិល្បៈ៖ តារាសម្ដែងជាច្រើនកំពុងបង្ហាញនូវទឹកចិត្តសប្បុរសធម៌តាមរូបភាពផ្សេងៗគ្នា ដោយអ្នកខ្លះបានចំណាយថវិកាផ្ទាល់ខ្លួន និងអ្នកខ្លះទៀតបានរិះរកវិធីសាស្ត្រអំពាវនាវឱ្យសប្បុរសជនទាំងក្នុង និងក្រៅស្រុកចូលរួមជួយផ្ដល់គ្រប់សម្ភារៈ និងវិការតាមលទ្ធភាព ជួយឧបត្ថម្ភដល់ជនទីទាល់ក្រ ដែលកំពុងជួបបញ្ហាទីទាល់។
ជាមួយគ្នានឹងការបង្ហាញឱ្យឃើញនូវទឹកចិត្តជ្រះថ្លានេះ តារាសម្ដែងសិចស៊ី ដេននី ក្វាន់ ក៏បានបង្ហាញសកម្មភាពជួយដល់ជនទីទាល់ក្រជារឿយៗមកហើយដែរ ដោយនាងបានបញ្ជាក់ប្រាប់ថា រាល់ការចំណាយថវិកាជួយដល់ជនទីទាល់ដែលនាងធ្វើកន្លងមក គឺនាងបានចំណាយលុយផ្ទាល់ខ្លួនមិនមានជំនួយពីខាងណាមកទេ។
ការបង្ហាញចេញនូវសកម្មភាពវិជ្ជមានសម្រាប់សង្គមនេះ ដេននី ក្វាន់ ក៏មានអ្នកកោតសរសើរចំពោះទឹកចិត្តនាង តែក៏នៅមានអ្នកខ្លះទៀត បានរិះគន់ចំពោះការស្លៀកពាក់សិចស៊ីរបស់នាងមិនសមជានារីខ្មែរផងដែរ ប៉ុន្តែពាក្យរិះគន់ទាំងនេះត្រូវបានតារាស្រីរូបនេះឆ្លើយតបថា នាងសិចស៊ីជារឿងរបស់នាង ហើយនាងក៏មិនបានយកខ្លួនប្រាណអ្នករិះគន់មកសិចស៊ី ឬបង្ហាញគេដែរ ហើយការសិចស៊ីរបស់នាងសម្រាប់តែការងារសិល្បៈដែលនាងមិនបានស្លៀកសិចស៊ីចូលទៅក្នុងវត្ត ដើម្បីបង្ហាញព្រះសង្ឃនោះទេ។
ដេននីក្វាន់ បានបន្តថា ម្យ៉ាងទៀតរាល់ការស្លៀកពាក់សិចស៊ី ថតការងារសិល្បៈដូចជាការថតស្ប៉ត ខ្សែភាពយន្ត គឺដើម្បីយកលុយទាំងនោះទៅចែកជួនជនទីទាល់ក្រ ដែលកំពុងអត់ឃ្លាន ចំណុចនេះហើយដែលនាងយល់ថាជាអំពើល្អរបស់អ្នកសិល្បៈ ហើយនាងក៏សុំចិត្តអ្នករិះគន់យោគយល់រាល់ការស្លៀកពាក់សិចស៊ីនេះផងចុះ ព្រោះសម័យនេះ ជាសម័យកាលជឿនលឿនទៅហើយ ដូច្នេះហើយអ្នកសិល្បៈត្រូវតែដើរឲ្យទាន់សម័យកាល៕
EmoticonEmoticon