រាជធានីភ្នំពេញ ៖ មនុស្ស២នាក់ប្រុស-ស្រីបានរងរបួសធ្ងន់-ស្រាល និងម៉ូតូមួយគ្រឿងរងការខូចខាតយ៉ាងដំណំ
ហើយរថយន្តក៏ជ្រុលទៅបុករបងសាលាទៀត បន្ទាប់ពីត្រូវព្រូឡានឡើងបើកបុករះទាំងកំរោល ដែលហេតុការណ៍
នេះបង្កឱ្យភ្ញាក់ផ្អើល កាលពីវេលាម៉ោង០១ និង៤៥នាទីរសៀលថ្ងៃទី១៦ មករា ២០១៦ ស្ថិតនៅចំណុចមុខសាលា
បថមសិក្សាតេជោសែនទួលសង្កែ ក្នុងភូមិទួលសង្កែ សង្កាត់ទួលសង្កែ ខណ្ឌប្ញស្សីកែវ ។
ប្រភពឱ្យដឹងថា ជនរងគ្រោះទាំង២នាក់ ម្នាក់ឈ្មោះឆឺ រ៉ាវី ភេទស្រី អាយុ២០ឆ្នាំ ជាគ្រូបង្រៀន និងជាអ្នកលក់
ប្រហិត (របួសធ្ងន់)និងម្នាក់ទៀតឈ្មោះជា ស្រេង អាយុ៤០ឆ្នាំ (របួសស្រាល) មានទីលំនៅក្នុងភូមិកើតហេតុ ។
ចំណែកជនបង្កជាព្រូឡានឈ្មោះសុខ ជា អាយុ២៥ឆ្នាំ មានទីលំនៅក្នុងភូមិទួលសង្កែ ។
ប្រភពបន្តថា មុនពេលកើតហេតុ គេឃើញរថយន្តបង្កដែលមានពាក់ស្លាកលេខភ្នំពេញ 2AE-4593 (ដឹកទឹកកក)
មកចតនៅទីតាំងខាងលើ ដោយត្រូវអ្នកបើកបរចុះលើកទឹកកកដាក់ឱ្យម៉ូយ ។ ពេលនោះ មិនដឹងយ៉ាងម៉េច
ស្រាប់តែព្រូឡានខាងលើ ឡើងទៅបើក ក៏ជ្រុលចង្កូតបុករះចូលកន្លែងលក់ប្រហិត បណ្តាលឱ្យមនុស្សប្រុស-ស្រី
២នាក់រងរបួសធ្ងន់-ស្រាលតែម្តង ។ បន្ទាប់កើតហេតុ ជនបង្កត្រូវបានឃាត់ខ្លួនភ្លាមៗដែរ ។
EmoticonEmoticon